sacho sach

ਦੋਸਤੀ ਸਾਡੀ ਮਾਨਸਿਕ ਲੋੜ ਹੈ । ਹਰ ਬੰਦਾ ਦੂਸਰੇ ਦਾ ਪਿਆਰ, ਮੋਹ ਅਤੇ ਸਨੇਹ ਚਾਹੁੰਦਾ ਹੈ । ਬਾਕੀ ਜ਼ਰੂਰਤਾਂ ਵਾਂਗੂੰ ਇਹ ਵੀ ਸਾਡੀ ਅਹਿਮ ਜਰੂਰਤ ਹੈ । ਇਸ ਦੀ ਘਾਟ ਨਾਲ ਵਿਅਕਤੀ ਵਿੱਚ ਕਈ ਤਰਾਂ ਦੀਆਂ ਵਿਵਹਾਰਕ ਅਤੇ ਮਾਨਸਿਕ ਸਮੱਸਿਆਵਾਂ ਪੈਦਾ ਹੋ ਜਾਂਦੀਆਂ ਹਨ । ਦੋਸਤਾਂ ਤੋਂ ਬਿਨਾਂ ਇਕੱਲ ਪਸੰਦ ਕਰਨ ਵਾਲਾ ਬੰਦਾ ਚਿੜਚਿੜਾ ਹੋ ਜਾਂਦਾ ਹੈ ਅਤੇ ਉਹ ਪੂਰੀ ਤਰਾਂ ਵਿਕਸਿਤ ਨਹੀਂ ਹੁੰਦਾ । ਅਜਿਹਾ ਵਿਅਕਤੀ ਅੰਤਰਮੁਖੀ ਬਣ ਕਿ ਰਹਿ ਜਾਂਦਾ ਹੈ । ਉਸ ਵਿੱਚ ਆਤਮ ਵਿਸਵਾਸ ਅਤੇ ਫੈਸਲਾ ਕਰਨ ਦੀ ਘਾਟ ਹੋ ਜਾਂਦੀ ਹੈ । ਉਹ ਆਪਣੀਆਂ ਭਾਵਨਾਵਾਂ ਨੂੰ ਉਜਾਗਰ ਨਹੀਂ ਕਰ ਸਕਦਾ ਅਤੇ ਅਕਸਰ ਹਿੰਸਕ ਰੂਪ ਵੀ ਲੈ ਲੈਂਦਾ ਹੈ।